Jodho

Ujaring kandha, jodho iku kaya wewayangan ing kaca pangilon
Watak lan tindak-tanduke bakal padha dene ngganepi tumraping jalma sakloron
Ujaring kandha, jodho iku yen bisa tansah reruntungan tumekaning pati
Tresna kang semi bakal terus ngrembuyung jroning ati
Ujaring kandha, jodho iku yen duwe praupan kayadene jambe sinigar
Nglakoni urip bebarengan nadyan sok suntrut sok bingar

Ujaring kandha, jodho iku ora bakal kijolan

Ana wae dalan saka Gusti, teka tanpa sangkan-sangkan

Ujaring kandha, jodho iku sigaraning nyawa

Separoning jiwa nadyan ora sakraga

Yogyakarta 02082017

©NLS