Bocah bajang akulit abang dluwang
Mripate sing sipit tansah plirak-plirik pendirangan
Tanpa sabawa tega nguncalake mawa ing ndhuwur padhepokan
Wusana, mak bul! Geni mulat nyamber sembarang kalir
Mahanani sing wis kepati padha nglilir
Cantrik-cantrik mlayu salang tunjang
Kaya kuthuk diuber garangan
Sigra sang Pandhita cancut taliwanda
Tumandhang nyandhet lakune sing wis kumawani gawe prahara
Nanging ndilalah kersa-Ne Ngallah
Si Bajang ora ngrumangsani salah
Tansah selak yen wis agawe dredah
Warta kanthi cepet sumebar ing saindenging tlatah kraton
Akeh sing ngundhamana si Bajang amarga rumangsa melu ketaton
Nanging ora sithik sing ngatonake pasatujon
Pancen mulya dadi punggawa kinasihe Sri Baginda Raja sing duwe abdi cacah ewon
Njalari si Bajang tansaya gumedhe nganggep kabeh iki mung saderma guyon
Ora ngertiya sing dioprak-oprak jebul omah tawon
Yutan cantrik lan pandhita ngebaki balairung
Ora ana krenteg sakliyane atur penyengkuyung
Marang sedulur nunggal pratapan senajan beda bapa-biyung
Nyawiji, ndedonga njaluk pitulung marang Sing Maha Agung
Apa sing dumadi candhake uwis kena dibadhe
Prajurit kraton ngrangket bocah bajang sing turah lambe
Nanging kabeh mung samudana, amarga Nyai Andaka melu cawe-cawe
Muspra, nyatane mendhung isih nggameng nutupi sunar srengenge
Yogyakarta 23072017
© NLS
Mripate sing sipit tansah plirak-plirik pendirangan
Tanpa sabawa tega nguncalake mawa ing ndhuwur padhepokan
Wusana, mak bul! Geni mulat nyamber sembarang kalir
Mahanani sing wis kepati padha nglilir
Cantrik-cantrik mlayu salang tunjang
Kaya kuthuk diuber garangan
Sigra sang Pandhita cancut taliwanda
Tumandhang nyandhet lakune sing wis kumawani gawe prahara
Nanging ndilalah kersa-Ne Ngallah
Si Bajang ora ngrumangsani salah
Tansah selak yen wis agawe dredah
Warta kanthi cepet sumebar ing saindenging tlatah kraton
Akeh sing ngundhamana si Bajang amarga rumangsa melu ketaton
Nanging ora sithik sing ngatonake pasatujon
Pancen mulya dadi punggawa kinasihe Sri Baginda Raja sing duwe abdi cacah ewon
Njalari si Bajang tansaya gumedhe nganggep kabeh iki mung saderma guyon
Ora ngertiya sing dioprak-oprak jebul omah tawon
Yutan cantrik lan pandhita ngebaki balairung
Ora ana krenteg sakliyane atur penyengkuyung
Marang sedulur nunggal pratapan senajan beda bapa-biyung
Nyawiji, ndedonga njaluk pitulung marang Sing Maha Agung
Apa sing dumadi candhake uwis kena dibadhe
Prajurit kraton ngrangket bocah bajang sing turah lambe
Nanging kabeh mung samudana, amarga Nyai Andaka melu cawe-cawe
Muspra, nyatane mendhung isih nggameng nutupi sunar srengenge
Yogyakarta 23072017
© NLS