Ing sakndhuwuring
lemah garing
aku ngantu-antu tumetesing bun
punjering
panguripan
Ing sakngisoring
pereng watu ireng
Aku ngantu-antu
pletheking sang bagaskara
Pepadhang
jagad
Muga-muga
ing tintriming wengi kang atis iki, Kang Murbeng Dumadi enggal paring
pitulungan. Duh Gusti, kawula namung nyuwun gesang.
***
Candhik ala,
candhiking bethara Kala
Mangsa bocah
bocah lola tanpa dosa
Candhik ala,
jumedhul mbarengi pletheking surya
Ngincim para
pemudhi pemudha panerusing bangsa
Wonogiri, 20 Juli 2012
No comments:
Post a Comment