Bali tumoleh marang ayang-ayang kang tansah ngetutke laku
Malangi sikil kang wis rekasa jumangkah, ninggal lelakon
lawas
Apa panjalukmu?
Srengenge wis teka
ngancani aku, nanging yagene sliramu tansah ngrendheti jangkahing suku?
Ing wayah ratri tanpa cahyaning purnama, yagene sliramu
ngadoh tanpa sabawa?
Apa panjalukmu?
Yagene sliramu tansah ngreridhu nala, rikala rujiting jiwa
wis kinemulan bagya mulya?
Yagene sliramu tansah ninggal cuwaning pangrasa, rikala ati
bali tinarbuka?
Yogyakarta, 1 Oktober 2013
No comments:
Post a Comment